Xuntanza mensual de setembro

Na nosa vindeira reunión queremos dedicar un tempo a falar e poñer en común algunhas ideas sobre o futuro da asociación.

En concreto, trataremos varios temas:

Futuras actividades: Que actividades nos gustaría organizar desde a asociación, que propostas temos e como podemos poñelas en marcha. Se tedes algunha proposta, podedes ir traéndoa pensada para comentala durante a reunión.

Lugares para as vindeiras reunións: Aínda que a asociación é de Pontevedra, ata agora estamos celebrando as reunións unicamente en Vigo. Queremos falar sobre posibles lugares e alternativas para que as reunións poidan celebrarse tamén noutros puntos da provincia, facilitando a participación de máis persoas.

Camisola do 25 aniversario: Tamén queremos comezar a falar sobre a camisola especial polo 25 aniversario da asociación. Aínda non hai ningún deseño preparado, así que a idea é comezar a recoller propostas sobre como nos gustaría que fose e que deseño poderiamos desenvolver.

Queremos que sexa unha reunión aberta, para achegar propostas e comentar entre todas e todos os temas relacionados coa asociación.

Lembrade que, coma sempre, non é necesario ser socio de GALPon para participar: sodes todas e todos benvidos!

Agardámosvos! 🐧